A Quinibillarda das finais

Aquí temos a última oportunidade dunhas vacacións mellores grazas aos cartos da Quinibillarda. Aqueles que veñan a Compostela que vaian estudiando os seus pronósticos, para os que non poidades estar alí non perdades a oportunidade de participar enviandonos as vosas apostas por correo electrónico.

Carlos Fabra, un experto apostante envianos os seus pronósticos:

Geni Vs Fátima: Enfrontamento entre a campiona e a subcampiona nacional, Geni chega no seu mellor momento e aspira a vencer non so no feminino senón tamén no absoluto. 1

Carmela Vs Leti: Carmela que que estivo a piques de colarse tam,en na finalabsoluta contra Leti a mellor palanadora da Coruña, que si o logrou. X

Furabolos Vs Pincharango: Os Furabolos do Pino vencedores na Conf. Centro tatarán de aproveitar a inexperiancia dos Pincharangos, malia que os de Salceda remataron a tempada moi forte. 1

Xan Rodiño Vs X. Miguel: O vexetariano abstemio contra o canibal peneque, despois do xantar Xosé Miguel co bandullo cheo de viño e LK ainda logrará paparse ao lobo de Portonovo. 2.

Sergio Vs Xermán: Sergio, músico do grupo folk emerxente Maghua rival na quinibillarda do maior rachacordas do rock galego. Mellor músico e mellor palanador, un 1.

Eric Vs Franco: Eric de 13 anos, coa ausencia de Viana, será o encargado de derrotar a Franco de 128 anos, pero a sombra do Franquísimo e alongada. 2.

Rubén Otero Vs Markitos: O Campión do 08 e o do 09 cairán ambos irremediablemente na primeira fase, X.

Advertisements

Cadros mixtos e fraticidas na quinibillarda de Marín

Sen perder de vista todas as novas que nos depara ultimamente o audiovisual billardeiro, non deixemos de probar sorte na nova edición da Quinibillarda.

Os supersticiosos están de noraboa porque este próximo sábado capicua -10/04/10- os cadros veñen máis sorprendentes que nunca e prometen dar moito xogo.

A LNB quere romper un palán pola igualdade e achega por fin os enfrontamentos mixtos ás apostas. Ademáis desta vez figuran palanadores en pleno ascenso como Salgue(PAQ), Xan Rodiño(FAI) e Manuel(SFT), e os heroes locais Luis Enrique e Alberte que de seguro quererán lucirse diante do seu público.

Moita sorte!!

Apostas ao sol

Despois do descanso no anterior aberto, volta a quinibillarda á competición billardeira así que xa podedes ir cubrindo as vosas apostas para o aberto de Salceda de Caselas.

As previsións son de bo tempo…

A quen se lle quentará menos a cachola?

Quén morderá o pó de Salceda?

Quen sairá vencedor nestes duelos ao sol? …

Vén bailar a Bueu

Ao pavillón de Beluso, en Bueu, este sábado ás catro da tarde vénse a xogar á billarda. Pero se queres, tamén podes vir bailar. A iso te convida Xosé Manuel Gayoso, que nos enviou desde o Luar este vídeo do concurso “Vai de baile”. Por agora Gil e Viana encabezan a clasificación de bailadores, pero Gayoso & troupe esperan novas propostas saídas das cadeiras dos noso palanadores e palanadoras. Anímate!

Para os que non gostedes do dancing, Beluso segue a ser unha cita imprescindible. Ao I Aberto de Bueu chegamos con Chupi algo escapado na clasificación individual. Xa é campión de inverno, pero os seus perseguidores non llo van poñer fácil para o que queda de tempada. Por detrás están apreta Luis Enrique e o resto están bastante igualadados: hai moitos billetes en xogo para quen queira entrar nos Play-Offs. Tamén está a cousa aberta por equipos (que non se despisten os Paquete Pinchas), varados (con duelo clásico entre Chupi e Otero na cabeza) e na feminina (liderada con solvencia por Ana Diz, pero cun feixe de candidatas detrás).

Para que non vos perdades, neste enlace podedes ver un mapa coa ruta para chegar ao pavillón de Beluso. Clica á esquerda en “como chegar” e amosarache o camiño entre a ponte de Rande e Beluso.

E para quen vexa que non ten un talento especial para bailar e tampouco para darlle á billarda, aínda lle quedan as apostas. En Bueu repetimos quinibillarda no modelo estreado no último torneo de Mos. Ide remexendo os miolos pra poder predicir o resultado destes novos emparexamentos e acadar o primeiro pleno na historia da Quinibillarda.

Desta vez o sorteo deparounos impactantes enfrontamentos con cadros fracticidas nos que haberá que fiar fino, e que poden presentar máis sorpresas e por tanto máis variantes que na pasada xornada (lembrar que en cada cadro sitúase como caseiro o mellor clasificado). Podedes levar as vosas quinibillardas xa confeccionadas ou completalas o mesmo sábado antes da competición. A xogar! En beneficio de tod@s!

Análise da próxima quinibillarda

O Sanedrín de Expertos Billardeiros fainos chegar o seu pronóstico para o boleto do próximo domingo. Aconsellámoste unha atenta lectura para aumentar as túas posibilidades, pero a quinibillarda aínda non permite múltiples polo que a última decisión terás que tomala ti.

Cadro 1: FÁTIMA (CUL) – LORENA (TRE); de non poder asistir ao torneo os 13-14, este enfrontamento quedaría substituído. De todas formas, de contar coa presenza de Lorena, presumímola máis concentrada na conciencia medioambiental que no palán, e coa difícil rival quinielística que lle tocou en sorte dámoslle poucas opcións. 1.

Cadro 2: CHUPI (PAQ) – XOSÉ MIGUEL (FAI); o pequeno gran faisco non llo porá sinxelo ao líder, pero o ritmo perdido coa súa ausencia en Salceda pode ser un handicap. Confiamos no Paquetepincha. 1.

Cadro 3: CELSO (LID) – TIAGO (CUR); Celso chegará convencido de metelas polo medio para evitar moviolas, e Tiago pode pagar os platos rotos. Pero o pontareano non é home de medias tintas. Calquera cousa menos tablas. 1-2.

Cadro 4: LUIS ENRIQUE (ALM) – AMIL (PAQ); o palanador revelación contra o vencedor de Moaña. Amil só pinchou en Redondela e Luis Enrique mantén unha aplastante regularidade. O enfrontamento máis aberto. 1-x-2.

Cadro 5: ANA DIZ (FAI) – MARÍA (GHU); dúas das palaneadoras máis en forma do momento. A forza de María empeza a coller control pero Ana é a líder en solitario das féminas e a pista rápida de Mos pode favorecerlle. 1-x.

Cadro 6: PINCHARANGO – A GHUDALLA; duelo por todo o alto. Os dous máximos perseguidores dos paquetes repártense victorias parciais entre eles nos catro torneos disputados, pero cremos que xa chegou a hora de Pincharango; Lemos, Davide, e Lolo tentarán comandar o equipo incluso ata a unha vitoria absoluta. 1.

Cadro 7: MANOLO (SFT) – FRAN (TRE); o primeiro enfrontamento reserva tamén está no aire pola dúbida da presenza de Fran. Pero Manolo tentará recuperar a boa forma perdida en Salceda e apostamos porque máis preto da casa non se deixará vencer. 1-x.

Cadro 8: LEMOS (PIN) – FUCO (BEN); o cadro oito pode traernos un premio millonario. Fuco tentará por fin unha actuación regular e dar a sorpresa ante o emerxente Lemos. O sinxelo é apostar a vitoria local. 1-2.

Cadro 9: PANZO (GHU) – PABLO (CUL); o cámara da Lnb, como o reporteiro Fuco, ve eclipsada as súas actuacións deportivas por as súas achegas a Televaral, pero o seu octavo posto non é casualidade. O inda pouco coñecido Panzo nunca ten un mal golpe e parece difícil de derrotar. 1-x.

Cadro 10: SE FORAS TRAB. – OESTRIMIOS; os locais alternan torneos de bo traballo con outros de case nin rañala polo que a versión que nos ofrecerán en Mos é toda unha incógnita. Oestrimios perdéronse a cita de Salceda pero os seus agresivos palanadores son unha verdadeira ameaza. Apostamos por eles. 2.

A Quinibillarda

O Domingo 20 estrearemos o novo formato da Quinibillarda. Na 5ª xornada da LNB Sur a aposta consistirá en atinar o resultado no torneo  dos palanadores que aparecen no boleto. En cada casilla deberá marcarse  1 ou 2  para apostar polo palanador que chegue mais lonxe no torneo, e un x si pensamos que cairán na mesma rolda.

Ademais dos primeiros 6 enfrontamentos a contabilizar na Quinibillarda tamén aparecen 4 reservas que so contabilizará no caso que algún palanador incluido no boleto non poidese asistir ao aberto. Os Duelos da Quinibillarda iranse mudando nas distintas xornadas.

Para os acertantes dos 6 enfrontamento repartirase o 70% do recadado, no caso de que ninguén atine os seis enfrontamentos os acertantes de 5 faranse co 50% do bote quedando o resto para gastos da LNB, xa que como todos sabemos carece de nengún tipo de axuda institucional e avanza grazas o esforzo de cada un dos seus participantes.  SORTE!!!!