Este domingo… a Salceda cos Pincharango

22 11 2010

Mentres cerramos os flecos do aberto deste domingo a tarde no Pavillón de Salceda organizado polos Pincharango, para abrir boca penduramos no blogue as imaxes de Ponteareas con alguns dos mellores golpes da xornada.

E lembrando a victoria de Fuco atopámonoss na rede, cortesía da Festa da Prehistoria, conque esta non foi a sua única gran actuación este ano.






Queres aberto? Catro tazas!

9 11 2010

O nerviosismo era patente nos ambientes billardeiros. Moita xente pensaba que ía pasar o mes de novembro sen aberto, algúns xa se rasgaban as vestiduras, moitos incluso pensaron en apuntarse a campionatos de fútbol irlandés ou damas chinas… pero non! Pincharango non pinchou e conseguiu sacar adiante o torneo de novembro. Volve a LNB Sur: Salceda is the place.

Ollo! O torneo de novembro vai ser en domingo, en concreto o 28 de novembro ás 16 horas no Pavillón de Salceda (o doutros anos). As circunstancias obrigan a que así sexa, tedes todo o dereito a protestar pero non hai moito que facerlle: a alternativa é xogar en sábado no exterior, con paraugas e lanterna.Ademais, que ides facer un domingo pola tarde? Xogar ao tute? Ir pasear polo parque?

E ollo de novo! Ese día xogan o Madrí e o Barça de balompé, pero está todo calculado para que os fuboleiros teñan tempo de chegar a casa ou ao bar.

Unha cousa máis: se tedes mono de billarda e credes que non aguantades ata alá, facede como os Bateas que van a todos os torneos que hai a este lado dos montes Urales. E os que sufrides por pasar tanto tempo sen ver á xente de Moaña, os da Ghudalla organizan este sábado un sarao caralludo: chámase San Resaquiño e anúnciase cun marrao bebendo viño. Que máis se pode pedir? Este sábado ás 22 horas na casa da cultura de Abelendo, en Moaña.





As caras da Xornada

7 10 2010

Este pasado finde en Moanha remexeuse a clasificación da LNB na conferencia Sur, moitos palanadores aproveitaronse doa pista rápida do pavillón de Domaio para dar o mellor de sí, ainda que tamén se produciron estrepitosos fracasos.

Chiwi estase a convertir no xogador revelación da LNB 2010, terceiro en Salvaterra e vencedor en Moanha e o lider indiscutible da xeral,  ¿Será quen de aguantar a presión?

O retorno de Chupi as pistas  foi como cabia agardar, colandose outra vez na final ¿Onde quedaron os conxuros dos irmans Rodiño?

Ausente en Salvaterra Iolanda foi a mellor palanadora da xornada e situase ao fronte da clasificación feminina da man de Anxela, capaz de conseguir o primer varado dunha moza da tempada.

Duas xornadas foi o tempo que precisaron os Lideiras Currichos para acoplarse nesta gran familia xurdida de dous equipos, guiados polos golpes de Celso e Tiago acadaron a sua primeira victoria .

Gran actuación de Almuinha en Marín, unha das equipas emblematicas da Conferencia Sur que rematou a pasada tempada en gran forma e comezan esta nova campaña coma lideres en solitario na xeral por equipas  con L. Enrique e Alberte no podio, comandando a clasificación de varados e a fiminina.

O Aberto organizado polos compañeiros de A ghudalla tamén nos deixou varias cruces, das que sen pretender facer sangue podemos destacar o afundimento de Bateas, o pauperrimo comezo de tempada dos actuais campeóns e subcampeóns da conferencia, Paquete Pinchas e Pincharango. E por último ver como Culombio continua coa sua interminable travesía polo deserto ¿Cando gañarán estes un torneo?





As estrelas da xornada

8 09 2010

Chiwi, terceiro na xeral e lider destacado en varados, xogador clave para que por primeira vez os Treze Catorce superen aos Pincharango na clasificación.

Salvaterra é a pista talismán de Gil, vencedor no 2008, semifinalista no 2009 e subcampión no2010. Tras dous anos  as portas das finais esta pode ser a sua tempada.

Unha das mellores novas do aberto da poesía foi voltar a ver fabulosa pegada de Anxela, que o pasado ano parecía ter aochada, pero que ao pouco que a mostre estará pelexando polo título esta tempada.

Da fusión de duas equipas que a pasada tempada se arrastraron na zona baixa da taboa xurdiu a maior sorpresa da primeira xornada. Tralas duras negociacións con Paquete Pinchas e Pincharango, os Oestrimnios decantaronse pola oferta do Branco e Negro, o resultado foron uns abraiantes 23 puntos.

L. Enrique lgrou romper o maleficio que o deixaba as portas do título nun aberto LNB e preséntase xa como o primeiro favorito da LNB 2010-2011, sempre e cando de superado con éxito os controis antidopaxe.

Mentres agardamos novas analises aquí quedan as fotos da xornada





Sorpresas en Salvaterra

7 09 2010

O Aberto do Festival de Poesía do Condado, en Salvaterra, é xa todo un clásico que este ano por primeira vez é puntuable para a LNB Sur. O torneo xogouse este sábado na fortaleza para abrir a tempada 2010-2011. Cun calor abafante, 65 palanadores e palanadoras xogaron o torneo, que se iniciou ao mediodía e rematou a iso das dúas e media. Habería moitas cousas que contar, así que vos deixamos só algunhas pinceladas do máis destacado.

– Estreáronse tres equipas: de Sanxenxo chegan Bateas, escuadra aymara liderada polos Rodiño. Outras dúas equipas son resultado do intenso mercado de verán, que acabou con dúas fusións: Lideiras Currichos, unión dos equipos de Mos e Ponteareas; e Branco e Negro Millenium, un popurrí no que se mesturan os Branco e Negro con palanadores dos Oestrimnios e Os Roxos.

– Non lles resultou nada mal a unión aos Branco e Negro Millenium, porque pasaron de ser as tres equipas na cola da clasificación do ano pasado a comezar a temporada como líderes. Estiveron moi regulares, con actuacións destacadas de Gil, Fuco e Iván.

– Luis Enrique venceu o torneo. Despois de quedarse ás portas en varias ocasións o ano pasado, desta volta conseguiu gañar ao impoñerse na final a Gil. Os dous son agora os líderes da clasificación xeral, empatados a 9 puntos.

– Coa achega de Luis Enrique ou Alberte, os Almuinha colócanse segundos por equipos. Ánxela levou o premio á mellor xogadora do torneo, e é a líder feminina empatada a 2 puntos con Mucha dos Lideiras Currichos.

– Bateas amosaron as súas cartas e xa son terceiros por equipos. Os Rodiño chegaron acompañados dunha canteira de xogadores novos que promete.

– As decepcións do torneo foron sen dúbida os Pincharango e os Paquete Pinchas, o ano pasado no alto da táboa e agora entre os tres últimos da clasificación. Os de Salceda estiveron frouxos, e do equipo de Pontellas só se presentou Salgue.

– Chiwi dos Treze Catorze conseguiu dous varados, levou un premio por iso e colócase líder desa clasificación.





Sabado 4 as 12:00 Comeza o espectáculo

2 09 2010

Este sabado na Muralla de Salvaterra comeza a nova tempada 2010-2011, remataron os adestramentos de verán e os equipos poñense serios cara o inicio inminente da LNB.  Eiqui unha proba que nos chega dende Portonovo… Espeluznante.





Vigo, A última Batalla

13 05 2010

A Batalla de Bembrive

  Cos paláns erguidos e as billardas recén pulidas os palanadores da Conferencia Sur agardan con impaciencia que chegue o Sábado para facerse co derradeiro aberto da tempada na conferencia sur. Cinco equipos tratarán de acadar a puntuación necesaria para aceder cos P. Pinchas as finais nacionais, mentres que as restantes xoganse o orgullo de rematar o mais arriba posible que ademais lles facilitará nos cruces da Cunca Xíbara.

 Na clasificacíon xeral quedan por decidir tanto o podio da tempada 09-10 como os nosos representantes para Compostela. Con Chupi, Otero, Amil e L. Enrique clasificados restan por completar 8 (quizais 9) prazas os candidatos a quedar entre as 12 plazas de honra son Celso, lemos, Jose Otero, Gil e X. Miguel que parten cunha lixeira ventaxe, Luis, Pablo, Tiago, Davide, que están baixo a espada de Damocles e uunha recua de aspirantes: Salgue, manolo, Juan, Oscar, Panzo, Darío, Cara, Alberte, Xan Rodiño, Manuel, Elvis, Xurxo, David, Chuki, Arturo, Fátima, pinto, Jacobo, Pablo, Fran, Angel, Anxo, Maria, Chiwi e Arosa.

 No feminino parte como lider Fátima que conta cos Culumbio para facer traballo de equipo para que se adxudique o título. María que está a un so punto e Ana Diz a dous puntos no caso de pasar a primeira rolda poderían asaltar o primeiro posto. Pauliña que parte lixeiramente mais rezagada conta coa ventaxe de que non restará ningún punto no caso de sacar a relucir a sua calidade presentase como a sorpresa final. Tamén con opcións matematicas ao título, pero co obxetivo marcado de facerse con praza para as finais parten Chus, Lara, Lorena, Mucha, Iolanda, Palmira, anxela, ana, diana, Sandra, Benchara, Chelo, sofía e Viana.

 Na loita polos varados Chupi e Otero igualados na primeira praza marcaranse mutuamente durante todo o Aberto mentres os demais agardan un día inspirado e cheo de varados para dar a sorpresa, L. Enrique X. Miguel e Dario defenderán a sua praza.

CLASIFICACIÓNS





II Aberto de Billarda de Vigo

11 05 2010

  Sábado 15, Torreiro da Alameda de Bembrive (C.C. Helios)

16:00 Inscricións

16:05  Inicia a emisión  “RADIO CABALIÑO”  co que poderemos desfrutar de Música, entrevistas e sesión de micros abertos para tódolos que se animen.

16:15   Comezo do derradeiro aberto da tempada regular 09-10

18:45    Pequena merenda de confraternización.

(Receso necesario para sumar os puntos na clasificación xeral)

19:30 Gran Gala LNB Sur 2010

Entrega de trofeos a tódolos equipos participantes e aos mellores palanadores e palanadoras na clasificación xeral da tempada.

Actuación Musical

… E para todos aqueles que teñan ganas de troula, as 22:00 apoteose final con cea no C.S. Faisca e posterior visita guida polos bares vigueses.

O auditorio do C.C. Helios con acollerá mais glamour que o kodac teather.





Camiño a Vigo con parada en Salceda

4 05 2010

Mentres se ultiman os preparativos do II Aberto de Vigo (15 de Maio) que resultará decisivo tanto para a clasificación final da LNB Sur como para coñecer aos nosos representantes de cara as finais nacionais en Compostela (30 de Maio)

O que xa podemos dicir é que se celebrará no Centro Cultural de Bembribe, e tamén adiantar algun dos actos preparados, como un concerto (ainda por confirmar) que amenizara o aberto con música en vivo, a Gala LNB Sur 2010 coa pertinente entrega de premios aos equipos participantes, e para todos aqueles que o desexen apoteose final con cea no C.S. Faisca e posterior visita guida polos bares vigueses. Manteremosvos informados.

E para chegar a Vigo preparados os compañeiros do Treze Catorze preparanse para o seu dia grande,A TREZECATORZEADORA.

Ademais de boa música e un ambiente inmellorable os que acudades pola tarde poderedes disfrutar con xogos como o Lanzamento de Sacho, o Trompo, a Chave, e como non, da versión maís tradicional da Billarda.





Atentos á quinibillarda!

12 02 2010

Xa podedes preparar as vosas apostas para unha nova xornada da Quinibillarda con emparellamentos nos que poden saltar faíscas: Otero vs Elvis, Ana Diz vs Lorena, Manuel Anxo vs Luis… O desta semana parece un escrutinio difícil, así que máis opcións de levarse o premio en solitario.