LUME!!!!!

Achégase a noite mais longa do ano, na que as lapas das cacharelas levaranse con elas todo o vello para dar paso a unha nova etapa. Como é un feito probado que as billardas, pinchas, estornelas, lipes, cachisas, paláns… arden ben será unha boa oportunidade para que os palanadores aos que a sorte lles fallou esta tempada renoven o seu equipamento.  O lume das fogueiras afasta aos demos e a vexetación esta n seu punto álxido polo que pode ser unha boa oportunidade para atopar esa madeira que nos leve ao triunfo.

Pero antes de mudar de palán dádelle unha última oportunidade, os compañeiros do Guindastre xa teñen todo preparado para o aberto de S. Xoan, Billarda e lume en Teis.

Advertisements

Hai equipos que non acougan

Almuinha+Lideiras = Cunca Xíbara

Para todos aqueles que pensamos que o cenit da evolución alcanzouse coa mestura do Café e da caña, este domingo a terra de Budiño amosounos que ainda había un combinado mellor,o Almuinha Lideiras que ben macerado da como resultado a Cunca Xíbara.

A tarde comezou con sorpresa, Treze Catorze caía ante Culombio e Branco e Negro cos Currichos.Despois Culombio desfacíase dos crepusculares Paquete Pinchas mentres que A Ghudalla vencía a Faisca e Almuinha-Lideiras facía opropio con Se Foras Trababallar que desta volta non rendiu ao nivel agardado. Pincharango eliminou aos Currichos e tivo contra as cordas a Almuinha-Lideiras en semis pero unha ultima rolda desastrosa cando tiñan todo a favor levounos a derrota. A Ghudalla finalista o pasado ano vingoude de Culombio pero voltou a quedarse as portas do título nunha final apertadísima na que Otero, Alberte, Mucha, Camiña (MVP da Cunca_10) , Fran e Iola que conseguiría o punto decisivo, fixron que o combinado Almuinha-Lideiras sexa o novo campión.

Cunca Xíbara

Este Domingo as 17h retorna a maior competición por equipos da LNB Sur, A Cunca Xíbara.

Despois do seu fiasco na final nacional por equipos oa Paquete Pinchas que figuran como anfitrións tratarán de lograr o único título que se lles resiste pero non será nada xa que son varios os equipos que se lle teñen subido as barbas ultimamente:

Pincharango: Chega de facer podio nas finais nacionais.

Se Foras Traballar: Equipo mais en forma da LNB Sur e que xa derrotou aos do Porriño no Xerro 09

A Ghudalla: Os de Moaña sen a presión de organizar son claros candidatos.

Almuinha: Vencedores do aberto de Marín

A Faisca: Rematan a tempada con renovados folgos, faranno ben se na vespera non os colle o boi.

Culombio: Sairán a defender o título en Budiño.

Os demais equipos e algún combinado sorpresa tratarán de rachar as quinielas sobre o xabre do C.C. A Forna.

Culombio disfruta das suas derradeiras horas como campión.

Chega a hora da Cunca Xíbara

Mirade esta estupenda esta creación de RuAn (http://cgruan.blogspot.com), dedicada á LNB

Billardeiros e billardeiras: a tempada 2009-2010 da Conferencia Sur da LNB aínda non rematou. Queda por xogar a Cunca Xíbara, o torneo no que cambiamos o formato habitual dos abertos por unha competición por equipos. Xogarémola este domingo 6 de xuño ás 15.30 horas no Centro Cultural A Forna da Budiño (vede aquí como chegar), nun torneo organizado por Paquete Pinchas.

O premio para o mellor equipo será unha xenuína cunca de barro. O equipo gañador tomará o relevo de Culombio, que gañou o ano pasado e ten a  honra de poñela en xogo un ano despois.

Lembrade que os enfrontamentos son entre equipos, segundo a clasificación final da liga. Xogan seis xogadores por cada equipo (máis os suplente que queiran), divididos en dous grupos: os tres primeiros clasificados (que xogan contra os tres primeiros do equipo contrario) e o tres seguintes. Cada xogador xoga tres carreiras, e suma os puntos para o seu equipo. O equipo que teña máis puntos pasa de rolda, e así ata a gran final.