Un Sur exemplar

A Conferencia Sur, nun alarde de xenerosidade sen precedentes na historia do deporte, cedeulle o triunfo aos compañeiros setentrionais.

As primeiras en saltar a area foron as nosas palanadoras que tiveron que conter a sua poderosa pegada para que poidesen pasar o maior número posible de xogadoras doutras conferencias, pese a isto María non puido evitar colarse en cuartos, nese punto decidiu non entorpecer o camiño de Carmela que a postre se faría co títlo nacional.

Na final por equipos tanto Pincharango coma Paquete Pinchas utilizaron as calculadoras de xeito espectacular, ambos lideraron a proba ata o ecuador sempre respetando un marxe de ventaxe para que nas últimas carreiras fosen Os Outros quenes se fixesen coa victoria. Pincharango foi terceiro.

PARABÉNS AS CAMPIONAS

Os nosos palanadores tiveron realmente complicado deixarse vencer na proba de varados,cumpre destacar a concentración necesaria para non atravesasr o varal, ata tal punto que tiveron que errar 60 lanzamentos ata que Hugo fixese o Varado gañador.

Por último na final absoluta os nosos decidiron deixar o camiño libre dende o inicio, borrandose xa na fase de grupos e solo L. Enrique e Lemos nunha arroutada de egoismo avanzaron ata cuartos, momento no que recuperaron a cordura e cesaron o seu dominio para que Marquiños voltase por fin a disfrutar dun triunfo na final.

BEIZÓNS AOS CAMPIÓNS

….  Lembrade que este finde agardanos en Budiño a CUNCA XÍBARA…

Advertisements

Última Hora

Para que ninguén se perda, como chegar.

Ainda estás a tempo de participar no I aberto de microrrelatos billardeiros. Resolución polo xurado popular nas finais da LNB

Xantar LNB as 14:00 no propio complexo deportivo do conxo: Empanadas de Atún, empanadas de carne, xamón asado con arroz, chourizos a grella, pan, viño, tartas, biscoito, flan e sobremesa con licor café.  (12€)

A final Feminina foi declada partido de alto risco, as distintas aficións ubicaranse en gradas diferentes  e as xogadoras sairán do vestiario ao campo por tuneles separados.

AVANTE  CONFERENCIA  SUR!!!!!!!!!

Hai que roelas!!!

Este ano a LNB Sur presentarase no Conxo coas mellores palanadoras da tempada, un conxunto que combina experiencia na final, Fátima subcampiona 09, con novos talentos como María, a mellor pegada da LNB, Ana Diz, moita clase, e Pauliña, a mais xenial e autora dalgúns dos golpes mais espectaculares do ano.  Bueno, e tamén vai Lorera que… é moi simpática.

Pese todo este potencial a cousa ímola ter realmente complicada, a Conferencia Norleste ven encabezada por Geni, actual campiona e primeira palanadora en ser gañadora absoluta nun aberto. Reyes que tamén ven de gañar o pasado mes o Aberto do Grelo en Compostela. Lola que non é a palanadora mais xenial pero si a de mais xenio. Isa, 3º no xerro do salnés e Sofía, de quen non temos referencias, debe salir pouco da casa.

Geni, Iolanda, Reies, Xeila e Isa

O noso espía enviado a Ribadeo mandounos un interesante informe no que advirte que as palanadoras do Norleste están adestrando a dobre xornada en pista de terra para adaptarse ao terreo do Conxo e que están probando innovacións para esta superfecie coma a “Pincha patera” chamada así pola sua forma concava e a técnica do garabullo empregada por Geni consistente en por un pequeno pau atravesado debaixo da billarda para conseguir o “efecto catapulta”.

Dende La Coru chegan Leti e Marica, moito ollo con elas, sobre todo coa primeira, que foi quen de colarse tamén na final absoluta e capitaneará aos Xarutos na final por equipos.

Por último estrenanse nas finais a Conferencia centro onde destacan Carmela e Begoña pola sua gran pegada dende a saida, a quen acompañan a irregular Iolanda, a xovencísima Sheila e Raquel, se ben esta última presenta pouco perigo.

A Quinibillarda das finais

Aquí temos a última oportunidade dunhas vacacións mellores grazas aos cartos da Quinibillarda. Aqueles que veñan a Compostela que vaian estudiando os seus pronósticos, para os que non poidades estar alí non perdades a oportunidade de participar enviandonos as vosas apostas por correo electrónico.

Carlos Fabra, un experto apostante envianos os seus pronósticos:

Geni Vs Fátima: Enfrontamento entre a campiona e a subcampiona nacional, Geni chega no seu mellor momento e aspira a vencer non so no feminino senón tamén no absoluto. 1

Carmela Vs Leti: Carmela que que estivo a piques de colarse tam,en na finalabsoluta contra Leti a mellor palanadora da Coruña, que si o logrou. X

Furabolos Vs Pincharango: Os Furabolos do Pino vencedores na Conf. Centro tatarán de aproveitar a inexperiancia dos Pincharangos, malia que os de Salceda remataron a tempada moi forte. 1

Xan Rodiño Vs X. Miguel: O vexetariano abstemio contra o canibal peneque, despois do xantar Xosé Miguel co bandullo cheo de viño e LK ainda logrará paparse ao lobo de Portonovo. 2.

Sergio Vs Xermán: Sergio, músico do grupo folk emerxente Maghua rival na quinibillarda do maior rachacordas do rock galego. Mellor músico e mellor palanador, un 1.

Eric Vs Franco: Eric de 13 anos, coa ausencia de Viana, será o encargado de derrotar a Franco de 128 anos, pero a sombra do Franquísimo e alongada. 2.

Rubén Otero Vs Markitos: O Campión do 08 e o do 09 cairán ambos irremediablemente na primeira fase, X.

Clasificación e regulamento

Xa temos as clasificacións finais completas da LNB Sur tempada 09-10

E aproveitamos para lembrarvos que nas finais do Conxo faranse revisións de billardas e palans para ver se cumpren co regulamento consensuado entre as distintas conferencias antes do comezo da tempada.  Lembrade:

Billardas entre 18 e 25 cm de longo e un máximo de 30 mm de grosor e

Paláns cun máximo de 60 Cm de lonxitude e 30 mm de gordo.

Por último comunicarlles a Pincharango e Paquete Pinchas que para a final Nacional por equipos deberán presentar en Compostela a 6 xogadores titulares e aos suplentes que desexen.

A partires do Xoves enviaremos os cadros por correo a quen os solicite.

A Gran Muiñada

Este e o cartaz creado polo deseñador Nachok para as Finais da Liga Nacional de Billarda.

11:30 Final Fiminina

12:30 Final Equipos

14:00 Xantar LNB   (No propio recinto do complexo deportivo do conxo poderedes desfrutar do xantar e a sobremesa de cofraternidade  da LNB) (Tamén disporemos de menú vexeta para quen o solicite)

16:30 Final Varados

17:30 Final Individual Absoluta

Panzo, Xosé Rodiño e Fran estarán na Final

Dende a Conferencia centro chegaron boas novas para algúns dos palanadores do Sur. Panzo, palanador de A Ghudalla, entra na lista dos clasificados para Compostela ocupando a praza de Xan Rodiño, que logrou rematar a tempada en 7º posto no centro mellorando a sua clasificación da Conf. Sur. Panzo tras superar un bache de resultados logrou en Vigo recuperar o ritmo das primeiras xornadas e será unha boa baza para a Final

O Aberto das Burgas decidiu as últimas prazas para as finais da vindeira semana. Os finalistas do Aberto, Xan Rodiño (Vencedor) e Xose Miguel, estaban xa clasificados pola Conferencia Centro polo que unha das prazas foi para  Xose Rodiño que buscará vingarse do seu irmán nas finais nacionais da derrota en Ourense que estivo a piques de deixalo fora da Gran Muiñada da LNB.

A outra praza outorgada no Aberto das Burgas é para Fran, dos Treze Catorze, que deixou no camiño a dous compañeiros  Angel e Rubén e superou en cuartos ao sempre combativo Viana, amosando así o seu poderío en pistas exteriores como xa fixera no Aberto da Poesia.