Este sábado… volve a liga!

14 10 2008

E non falamos de fútbol, claro. Falamos da LNB, a Superliga de Billarda, que de novo se retomará esta fin de semana nas tres conferencias: Noroeste, Norleste e Sur. Na do Sur a cita será o sábado 18 en Moaña. O segundo campionato puntuable para a LNB Sur será un encontro festivo que fará historia: billarda, teatro e música unidas nunha auténtica festa.

A cita é ás 16 horas detrás da praza de Abastos, isto é, no centro da vila. No (improbable) caso de que chova), trasladarase o torneo ao IES Paralaia. Ás 16 horas comeza a inscrición, os entrenamentos e o sorteo de grupos, para arrancar coa competición ás 17 horas. Se xa participastes no primeiro torneo, non debedes perder a ocasión de probar de novo a vosa destreza coa billarda, seguir sumando puntos na liga e avanzar na clasificación. E se non estivestes na anterior xornada no Porriño, participade, porque aínda estades a tempo de engancharvos ao tren da liga!

E por se o torneo non fora xa motivo suficiente para achegarse a Moaña o sábado, a festa acompañarase de teatro de rúa e música. Actuarán o grupo de teatro Codia e Miolo, e o gaiteiro Xosé “o ghaiteiriño de Aldán”, que darán paso a un serán aberto a todos os que traian algún instrumento e se atrevan a tocar.

Como vedes a cousa promete. E todo isto é resultado do esforzo organizador de Xosé Miguel e os colectivos A Fouce (Moaña), Asosiación Sosiocultural Patajullos, Grupo Ecoloxista Luita Verde e Asociacións de Amizade e Solidariedade, ademais da organización da LNB. Tamén colaboran a Concellería de Deportes do Concello de Moaña, a Federación de AA. VV. de Moaña A Chamusca e as xuntas de montes de Moaña. En fin, que as organizacións sociais de Moaña están apoiando o campionato, polo que prevemos unha ampla participación e moito espectáculo!

Así que… non podes faltar ti!

Advertisements

Accións

Information

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s




%d bloggers like this: